Англия терма жамоасининг собиқ ҳужумчиси Майкл Оуэн бугунги кунда футболчиларнинг пенальти ишлаш учун ёлғондан йиқилишларини таъкидлади.
«Ўзим ҳақида айтадиган бўлсам, икки марта йиқилганман. У вазиятлар жуда муҳим бўлган. 1998 ва 2002 йилги жаҳон чемпионатидаги Аргентинага қарши ўйинларда. Мен оёқда тура оладиган вазиятларда йиқилишга мажбур бўлганман.
Ҳозирги футбол ҳақида гапирадиган бўлсам, белгиланаётган пенальтларнинг 20 фоизигина ҳалол бўлмоқда. Қолган ҳолатларда футболчилар айёрлик қилишмоқда»,- дейди Майкл.
