"Рома" спорт директори Вальтер Сабатини мухлисларни яримҳимоячи Миралем Пьянич билан шартнома албатта узайтирилишига ишонтирди. Унинг сўзларига кўра, 23 ёшли босниялик билан меҳнат шартномасини қайта имзолашга ҳеч қандай тўсиқ бўлмаслиги керак.
"Бу йигит Римда яхши ўйнаяпти. Бу ерда у янги марраларни забт этади ва биз у билан шартномани узайтиришимизда бирор муаммо бўлмайди", - деди "Рома" спорт директори.
Қўшимча қилиш ўринлики, Пьяничнинг "бўрилар" билан шартномаси 2015 йилда якунига етади.













