БАА миллий терма жамоаси бешинчи ўйинда ҳам ғалаба қозонди ва 15 очко билан гуруҳда 1-ўрин тақдирини ҳал қилди. Вьетнамга қарши бўлиб ўтган ўйинда меҳмонлар футболчиси Вин 7-дақиқадаёқ четлатилиши Маҳдий шогирдларига ёрдам бериб юборди.
Ушбу вазиятда белгиланган пенальтини Амирлик футболчиси голга айлантира олмаган бўлса-да, кейинги вазиятда мезбонлар бирин-кетин рақиб дарвозасини ишғол қилиб, ҳисобни 5:0га етказишди.
Осиё кубоги-2015 саралаш. "Е" гуруҳи, 5-тур
БАА - ВЬЕТНАМ - 5:0
Голлар: Волид Аббос (19), Исмоил Матар (24), Али Мабхут (30), Ҳабиб Фардан (37), Аҳмад Халил (90+3)
Четлатиш: Вин (7)
| № | Жамоа | Ўйин | Ғалаба | Дуранг | Мағ-т | Т-Н | Очко |
|---|---|---|---|---|---|---|---|
| 1 | БАА | 5 | 5 | 0 | 0 | 17-2 | 15 |
| 2 | Ўзбекистон | 5 | 3 | 1 | 1 | 9-3 | 10 |
| 3 | Гонконг | 5 | 1 | 1 | 3 | 1-10 | 4 |
| 4 | Вьетнам | 5 | 0 | 0 | 5 | 2-14 | 0 |
