Жорий мавсум биринчи лигада тўпурарлик маҳоратини намойиш этган ҳужумчи Зоҳир Қўзибоев “Машъал” билан шартномасини яна бир йилга узайтирди. Касбилик ҳужумчи бу мавсум “газчилар” сафида биринчи лига баҳсларида 20та гол уришнинг уддасидан чиқди. У биринчи босқичда 8, иккинчи босқичда 12 марта рақиблар дарвозасини ишғол қилганди.
Шунингдек, касбилик яна бир футболчи Баҳодир Муртазоев ҳам “Машъал” билан шартномасини бир йилга узайтирди. Муртазоев якунига етган биринчи лига баҳсларида 8 бор рақиблар дарвозасини ишғол қилди. У биринчи босқичда 5та, иккинчи босқичда 3 марта гол уришга муваффақ бўлди.
