Олдин айтиб ўтганимиздек, 3 декабрь куни “Сиз “Нефтчи” ПФК жамоасида ўйнашни хоҳлайсизми?” шиори остида 1994, 1995, 1996 йилларда туғилган ўсмирлар ўртасидаги саралаш мусобақаси старт олди. Турнирда вилоятнинг барча шаҳар ва туманлар терма жамоалари иштирок этишмоқда. Барча саралаш матч-учрашувлари Фарғона шаҳридаги “Нефтчи” ПФК футбол мактабининг сунъий майдонида бўлиб ўтмоқда.
Ўйинларни Вилоят Футбол федерацияси, “Нефтчи” ПФК клуби ҳамда футбол мутахассисларидан тузилган селекция гуруҳи учрашувларни кузатиб бормоқда. Дастлабки икки кунда вилоятимизда кўплаб истеъдодли ёшлар борлиги аён бўлди. Юоиси, селекция гуруҳ аъзолари бир нечта футболчиларни ён дафтарчаларига ёзиб қўйишга улгуришди. Ушбу футболчиларнинг аксарияти янги йилда “Нефтчи” жамоаси ўринбосарлари сафидан жой олса ажаб эмас.
Махсус турнир 8 декабрь кунига қадар давом этади. Энди 1995, 1996 йилларда туғилган ўсмирлар майдонга тушишади.
