Жазоир терма жамоаси бош мураббийи Воҳид Халилходжич ЖЧ-2014 қуръа ташлаш маросимидан сўнг фикрлари биилан ўртоқлашди.
"Биз бундан ҳам кучли гуруҳга тушишимиз мумкин эди. Жаҳон чемпионатида оддий гуруҳлар бўлмайди. Шунингдек, вазиятдан чиқиб бўлмайдиган ҳолатдаги "ўлим гуруҳи" ҳам йўқ. Россия термасини яхши биламан, у ерда ажойиб мураббий ишлайди.
Бельгия - замонамизнинг энг ёрқин футбол миллатларидан бири. Умуман бу жамоа жаҳон чемпионатида сюрприз бўлиши мумкин.
Кореяликлар мунтазам тўп оширишлар ва фаол ҳаракатларни афзал биладиган жамоа, уларда ҳам яхши ўйинчилар бор.
Рақибларимизни ажаблантиришга ҳаракат қиламиз, Бразилияга сайёҳ сифатида бормаймиз", - дейди Халилходжич.
