"Галатасарой" яримҳимоячиси Уэсли Снейдер "МЮ"га ўтиши мумкинлиги борасидаги хабарларни инкор қилди. Голландияликнинг сўзларига кўра, унга бу борада ҳеч ким мурожаат билан чиқмаган.
"МЮ"га ўтишим мумкинлиги борасида ҳеч нарса билмайман. Доимгидек, трансферлар вақтида менинг кетишим мавзусини очадиган газеталарда нима ёзишаётганидан оз-моз хабардорман холос. Бу хабарлар турк мухлисларини ғазаблантиряпти. Бу ердагилар жуда ҳиссиётга берилувчанлар. Туркия менга ёқади. Чемпионлар лигасидаги иштирокимизни яхшилашни кутяпман. Қайтараман, мени ҳаммаси қониқтиряпти", - дейди Снейдер.













