Жанубий Корея ёшлар терма жамоасининг 19 ёшли футболчиси Рю Син Ву фаолиятини Германияда давом эттирадиган бўлди.
Немис матбуотининг хабар беришича, Леверкузеннинг "Байер" клуби футболчини "Чежу Юнайтед"дан бир йил муддатга, кейинчалик сотиб олиш ҳуқуқи билан ижарага олган. Жанубий Корея клуби ушбу хабарни тасдиқлаган.
Бўйи 171 смли футболчи 20 ёшгача бўлган ёшлар ўртасидаги жаҳон чемпионатида жароҳати сабабли 5 та ўйиннинг 3тасидагина қатнашганига қарамай, терма жамоасининг юлдузларидан бири бўлган.
Ушбу йилнинг ёзида футболчи Дортмунднинг "Боруссия"сига ўтиши ҳам мумкин эди, аммо келишув амалга ошмай қолган.
