Испания чемпионати 16-тури доирасида «Осасуна» ҳамда «Реал» жамоалари ўзаро баҳслашишади. «Осасуна» дарвозабони Андрес Фернандеснинг таъкидлашича, жамоа «Реал»ни мағлуб этишга қодир.

«Реал» билан бўладиган ўйин бошқаларидан кескин фарқ қилади. Ахир ҳар куни ҳам дунёнинг энг зўр жамоаларидан бири билан ўйнайвермайсанда. Бу орзу қилса бўладиган ўйин.

«Реал» билан ўйинда ҳам бошқаларида бўлгани каби бир хил очко ўйналади. Унда жамоавий ўйин билан бирга юқори даражадаги индивидуал маҳорат ҳам муҳим аҳамиятга эга. Нима бўлганда ҳам «Реал»ни енга олишимизга ишонаман.

Ўз уйимизда бўладиган ўйинларда бор кучимизни беришимиз керак. Ҳар қандай хато қимматга тушиши мумкин.

«Реал» доим бизнинг майдонда қийинчиликка дуч келган. Стадионимиз сабаб, бизнинг мухлисларимиз сабаб, совуқ ҳаво сабаб... Буларнинг ҳаммаси муҳим омил бўлиши мумкин»,- дейди дарвозабон.