«Барселона» футболчиси Неймар кеча бўлиб ўтган Испания чемпионатининг «Вильяреал»га қарши ўйини ҳақида фикр билдирар экан нима учун унга сариқ карточка кўрсатилганини тушунмаганини айтди.
«Билмадим, нима учун менга сариқ карточка кўрсатишди. Мен ҳеч нима қилмаган эдим»,- дейди Неймар.
Таъкидлаш жоизки, Неймар жарима тўпини амалга ошираётган вақтда ҳакамнинг ҳуштагини кутмагани учун 85-дақиқада огоҳлантирилган эди.
Бу ҳужумчининг Испания чемпионатидаги 5-сариқ карточкаси эди ва у келаси турдаги «Гетафе»га қарши ўйинни ўтказиб юборади.
