"Барселона" ҳимоячиси Карлес Пуйоль фаолиятини якунлаш ҳақида ўйлай бошлади, деган хабар билан чиққан El Mundo Deportivo.
35 ёшли испаниялик футболчининг бундай қарорга келишига 2012 йил майида қилинган операциядан сўнг тиззасидаги жароҳатнинг доимий равишда безовта қилиб келаётгани сабаб бўлган. Шу боисдан ҳам ҳимоячи юқори спорт формасига кира олмаяпти.
Манба маълумотларига кўра, Пуйоль фаолиятини якунламаган тақдирда ҳам босим камроқ бўладиган бошқа бирор бир чемпионатга йўл олади. Мисол учун - MLS.
Мавсумда Пуйоль Испания чемпионатининг 3 ўйинида майдонга тушган бўлса, Чемпионлар лигасида 1 марта сафда эди.













