Хавьер Занеттининг таъбири билан айтганда, Месси "Интер" учун жуда мос тушган бўларди. Аммо, унинг ўзи таъкидлаганидек, аргентиналикнинг Каталониядан кетиши амри маҳол.
"Муносабатларимиз ҳар доим яхши бўлган. Лео - оддий, яхши йигит. Аргентинада бирга ўйнаган вақтларимиз ажойиб эди, ҳатто баъзи вақтларда ғалаба қозона олмаган бўлсак-да. Аммо қайсидир жиҳатдан натижа энг муҳими эмас.
Месси "Интер" учун идеал бўла олган бўларди, лекин биламан, у "Барселона"да бахтли. Биз ундан майдондалигида доим буюк ишларни кутиб ўрганиб қолганмиз. Лекин Лео нафақат майдондаги ҳаракатлари билан, умуман инсон сифатида ҳам буюк", - дейди Занетти.













