"Барселона" клуби ҳужумчиси Лионель Мессининг отаси Ҳорҳе Месси наркосавдо пулларининг "ювилиши" ишида гумон қилинмоқда, дея хабар беради El Mundo.
Тергов натижаларига кўра, "Мессининг дўстлари" хайрия учрашуви ноқонуний пулларни легаллаштириш учун ташкил қилинган. Бунда Ҳорҳе Месси бу пулларнинг 10-20 фоизгача улуш олганлиги тахмин қилинмоқда.
Ушбу ўйинда қатнашган "Барселона"нинг бир нечта ўйинчилари Лионель Месси, Даниэл Алвес, Хосе Мануэль Пинто ва Хавьер Маскерано судда кўрсатма беришди ва ҳеч нарсадан хабарлаи йўқлигини билдиришди.
Эслатиб ўтамиз, аввалроқ Мессилар оиласи солиқдан бўйин товлашда айбланган эди.
