"Наполи" ҳужумчиси Гонсало Игуаин "А"-сериясининг 16-тури доирасида "Интер" устидан қозонилган ғалаба (4:2) тўғрисида гапириб ўтди.
"Муҳим ўйин эди, кўнглим тўлди. Энди биз "Интер"дан 7 очкога, "Фиорентина"дан эса 5 очкога илгарилаб кетик. Ҳали "Милан" билан ўйнаши керак бўлган "Рома"га яқинлашиб олдик.
"Кальяри"га қарши ўйинга тайёргарлик учун олдимизда бир ҳафта вақт бор. Бугун танаффус арафасида "Интер"дан гол ўтказиб юборганимиз алам қиляпти. Мана шунинг устида ишлаймиз энди.
Ўзим яхши формадаман. Жароҳатимни унутиб ҳам юбордим. Ҳали ёшман, бутун фаолиятим олдимда. Шундай экан, ҳали янада яхшироқ бўлиш имкониятим бор.
Мураббийимиз ҳам ғалабадан хурсанд. Энди бир неча кун дам олсак бўлади. Кейинги ўйинда ғалаба қозонишга ҳаракат қиламиз", - дейди Игуаин.