«Ювентус» ҳужумчиси Карлос Тевес Италия чемпионати доирасидаги «Сассуола»га қарши кечган ўйин ҳақида фикр билдирди. Ўйинда ҳужумчи учта голга муаллифлик қилган эди.
«Бизнинг ички чемпионатда кўп гол уриб, еврокубокларда яхши қатнаша олмаётганимизнинг сабаби оддий. Бу икки хил олам. Халқаро ўйинларда ўзгача босим. У ерда ҳеч кимга осон эмас.
Менинг мақсадим – Италия чемпионатида ғалаба қозониш. Бундан ташқари А серияда тўпурар бўлишни хоҳлайман. Бу чемпионликдан кейин турадиган иккинчи вазифам»,- дейди Карлитос.
