«Манчестер Сити» ҳужумчиси Серхио Агуэро Англия чемпионати доирасидаги «Арсенал»га қарши ўйинда жароҳат олганидан хабарингиз бор. Яхшиямки, футболчининг жароҳати жиддий бўлиб чиқмади.
Бугун Серхио ўзинининг ижтимоий тармоқлардан биридаги саҳифасида саломатлиги ҳақида хабар берди.
«Жароҳатим сабаб камида бир ой майдонга туша олмасам керак. Яхши хабар ҳам бор, бугун тикланиш машғулотларни бошладим»,- деб ёзади Агуэро.
Эслатиб ўтамиз, «Арсенал»га қарши ўйиннинг 50-дақиқасида Жек Уильшер билан тўқнашиб кетган Агуэро майдонни тарк этган ва унинг ўрнига Хесус Навас туширилган эди.
