«Боруссия Д» ҳужумчиси Роберт Левандовски чемпионлар лигасининг 1/8 финал ўйинлари ҳақида фикр билдирди. Хабарингиз бор, ўтган йилги финалчилар чорак финал йўлланмаси учун «Зенит»га қарши баҳс олиб боришади.
«Қуръа ҳақида гапиришни ёқтирмайман. Шуни айтишим мумкинки, «Зенит» биз учун энг яхши рақиб. Бу йилги қуръа ўтган йилгисига ўхшаб кетди. Ўтган гал «Шахтёр»га тўқнаш келган эдик.
Россияда чемпионат ўйинлари бошқачароқ. Рақиб айни вақтда ўзинининг тўлиқ спорт формасида эмас ва биз бундан фойдаланишимиз керак. Бу билан бизга осон бўлади демоқчи эмасман. Бу ерда кучсиз жамоалар бўлмайди»,- дейди ҳужумчи.
