«Арсенал» ҳимоячиси Карл Женкинсон чемпионлар лигаси 1/8 финали доирасидаги «Бавария»га қарши кечадиган ўйинлар ҳақида фикр билдирди.

«Қуръа ажойиб бўлди. «Бавария»нинг қанчалик кучли жамоа эканини ҳамма билади. Лекин биз «Бавария»ни енгиб, кейинги босқичга чиқишимизга ишонамиз. Ўтган мавсумда уларни мағлуб эта олишимизни кўрсатгандик.

«Бавария» ҳар кимга ҳам ўз уйида 0:2 ҳисобида ютқазавермайди, шунинг учун фақат яхши натижа ҳақида ўйлаяпмиз. Шахсан мен қуръадан хурсанд бўлдим. Энг зўр бўлиш учун энг зўрларни ўйиндан чиқариш керак»,- дейди футболчи.