“Барселона” клуби ҳужумчиси Лионель Месси клуб вице-президенти Хавьер Фауснинг гапларига жавоб бериб ўтди.

Эслатиб ўтамиз, Фаус Мессининг шартномасини узайтиришда унинг маошини ошириш учун ҳеч қандай асос йўқлигини айтиб ўтганди.

“Сеньор Фаус – футболни умуман тушунмайдиган одам. У “Барселона”ни худди бир корхонадек бошқармоқчи бўлади. “Барселона” дунёнинг энг яхши клуби. Бу клубда дунёнинг энг яхши мутахассислари фаолият юритиши керак. Битта нарсани таъкидлаб ўтиш зарур. Мен ҳам, менинг вакилларим ҳам ойлик маошимни кўтариш ҳақидаги мавзуни кўтармаганмиз”, - дейди Месси.