Мадриднинг «Реал» клуби посбони Икер Касильяс жамоадан кетиши борасидаги хабарларга изоҳ билдирди.

«Менинг айни вақтдаги истагим, «Реал»да қолиш. Жамоа билан кўп совринларни қўлга киритишни хоҳлайман. Мен ҳақимда ҳар хил гап-сўзлар тарқалмоқда, лекин мен доим «Реал»да бўлганман ва жамоада қолишни хоҳлайман.

«Реал»да узоқ вақт тўп тепиш осон иш эмас. Мен эса фаолиятимни бошлаганимдан буён шу ердаман. Шундай экан ҳар йил совринларни ютишни хоҳлайман. Майдонга тушиш учун эса энг зўр бўлиш керак. Мадридда энг зўрлар ўйнайди.

Жамоа шарафини ҳимоя қилиш мен учун шараф. Ҳали 5-6 йилча шу ерда қоламан»,- дейди посбон.

Икернинг «Реал» билан шартномаси 2017 йилга қадар амал қилади.