«Милан» етакчиси Кака «Интер»га қарши ўйиндан олдин ҳужумчи Марио Балотелли ҳақида фикр билдирди.

«Мавсум бундай бошланади деб кутмаган эдим. Бизга стабиллик етишмаяпти. Биламдим, бу жамоанинг аксарият футболчилари катта ёшли бўлгани билан боғлиқми. Лекин энг муҳими, жамоа ҳар ўйинда бир мақсад йўлида бирлашиши керак. «Милан» ўсиб бораётган жамоа ва умид қиламанки, бизни буюк келажак кутмоқда.

Менинг келишим Балотеллига яхши таъсир қилди? Ҳа, у яхши томонга ўзгарди, лекин мен сабабми ёки йўқ, бу ҳақда бир нарса дея олмайман. У жуда яхши йигит. Менимча, у жуда эрта етакчига айланди. Марио тайёр бўлмаган бир вақтда унга катта масъулият юкланди.

Агар менда дербидан олдин «Интер»нинг бир футболчисини таркибдан олиш имкони бўлганида, Гуаринни танлаган бўлардим. У жисмоний жиҳатдан жуда кучли бўлган ажойиб футболчи»,- дейди Кака.