Ёшларга катта эътибор қаратиш анъанасига айланиб қолган "Пахтакор" раҳбарияти бу борадаги ишларини давом эттирмоқда. Фақат асосий таркиб ёки ёшлар жамоасига эмас, балки академиянинг турли ёшдаги гуруҳларига ҳам футболчиларни синовдан ўтказиб, қабул қилинмоқда.

Сир эмаски, юртимизда иқтидорли болалар жуда кўп. Уларнинг баъзилари дастлабки синовлар бўлиб ўтадиган пайтда имтиҳонга кела олмаслиги ёки ҳаяжон туфайли ўзини кўрсата олмаслиги мумкин. Шундай болаларга яна бир бор имконият бериш мақсадида академияда синов кунлари ташкил этилиб, маҳоратини намойиш қилган ёш футболчилар ўша гуруҳ жамоасига қабул қилинади.

Бугун 2002 йилда таваллуд топган ёш ўйинчиларни синаб кўрилди. Натижада кўплаб иқтидорли ёшларда ўзларини кўрсатиш имконияти юзага келди. Улар орасида келажакда Ўзбекистон терма жамоалари шарафини ҳимоя қиладиган ўйинчилар етишиб чиқса, буни жамоа амалга оширган ишларнинг самараси сифатида кўрсатиш мумкин.