«Бавария» футболчиси Томас Мюллер клублар ўртасидаги жаҳон чемпионатидаги ғалаба ҳақида фикр билдирди.

«Рақиб бизга жиддий қаршилик кўрсатди. Биз яна икки маротаба гол киритиш учун яхши имкониятга эга бўлгандик, лекин «Ража» бунга йўл қўймади. Ҳисоб 2:0 экан, демак биз ғалаба қозондик.

Биз клублар ўртасидаги жаҳон чемпиони бўлдик. Йилнинг бундай эртакнамо тугаши жуда ёқимли. Жамоа бу ғалабага муносиб эди.

Ортда қолаётган йилда биз жуда яхши ҳаракат қилдик. Бундай ўйин кўрсатишнинг деярли имкони йўқ. Ғалабадан кейин виждонимиз тоза ҳолда кўнгилни кенг қилиб таътилга чиқамиз»,- дейди футболчи.