"Манчестер Сити" яримҳимоячиси Самир Насри Бразилияда ўтадиган Жаҳон чемпионатига боришдан умидвор эканини қайд этиб ўтди. Хабарингиз бўлса, у шу вақтга қадар Евро-2008 ва Евро-2012 каби йирик мусобақаларда иштирок этган, аммо ЖЧда қатнашмаган.
"Ҳар қандай футболчи каби мен ҳам мундиалга боришни орзу қиляпман. Кўп журналистларнинг фикрларини эшитдим. Айтишларича, мени олишмасмиш. Албатта, Бразилияга боришни истайман, аммо мен ўз истакларимни жамоа манфаатидан устун қўймайман. Агар мени олишмаса ҳам ҳечқиси йўқ, бу - ҳаёт", - дейди Насри.













