«Ювентус» ярим ҳимоячиси декабрда жамоа билан шартномасини узайтирган Артуро Видал Европа лигасидаги туринликларнинг иштироки ҳақида фикр билдирди.
«Ювентус» дунёдаги энг зўр клублардан бири ва шундай жамоанинг шарафини ҳимоя қилаётганимдан фахрланаман. Жамоа либосини кийганимда буни ҳис қиламан. Чемпионлар лигасидан тушиб кетганимизга ишона олмаяпман.
Европа лигаси ҳақида гапирадиган бўлсам, мусобақанинг финали Туринда бўлади ва унда ғалаба қозониш икки ҳисса ёқимли бўлади. Биз Европа лигасида чемпионлар лигаси учун қасос олишимиз мумкин»,- дейди Видал.
Хабарингиз бор, «Ювентус» Европа лигаси 1/16 финалида Туркиянинг «Трабзонспор» жамоасига қарши баҳс олиб боради.
