«Реал Сосьедат» ярим ҳимоячиси Антони Гризманн жамоасининг Испания чемпионатидаги иштирокига оптимистик қарашини таъкидлади. Унинг фикрича, жамоа бу мавсум ҳам чемпионлар лигасига йўлланма берадиган ўринларни қўлга кирита олади.
«Жорий мавсумда чемпионлар лигасида яхши қатнаша олмаганимиздан афсусдаман. Қўлимиздан келганича ҳаракат қилдик, лекин яхшироқ натижа қайд эта олмадик. Ҳар доим мухлисларимизни хурсанд қилишни хоҳлаймиз.
Энди ички чемпионат ўйинларига тайёрланишимиз керак. Чемпионлар лигасига чиқишни хоҳласак, кучимизни аямаслигимиз лозим. Лекин менимча, биз бу мавсум ҳам чемпионлар лигасига йўлланма берадиган ўринлардан бирини қўлга кирита оламиз»,- дейди футболчи.
