«Ливерпул» дарвозабони Симон Миньоле Англия чемпионати 18-туридан ўрин олган «Манчестер Сити»га қарши кечган ўйин ҳақида фикр билдирар экан иккинчи гол киритилган вазиятда яхшироқ ҳаракат қилиши мумкин эканини таъкидлади.
«Негредо гол киритган вазиятда яхшироқ ҳаракат қилишим мумкин эди. Лекин афсуски, дарвозабонларда шундай ҳолатлар ҳам бўлиб туради.
Ҳар бир ўтказиб юборилган гол ёқимсиз, албатта. Нима бўлганда ортда қолган хатоларни унтиб олдиндаги ўйинлар ҳақида ўйлаш керак.
Ҳал қилувчи гол биринчи бўлим якунида киритилди. Иккинчи бўлимда биз максимал даражада ҳужумлар уюштирдик, лекин омад биз томонда бўлмади»,- дейди дарвозабон.
