Дастлаб Arena.Uz интернет-нашрида пайдо бўлиб, сўнгра бошқа сайтларда тарқалган "Пахтакор" бош мураббийи алмашиши тўғрисидаги хабарлар инкор этилди. Бу ҳақда клуб матбуот хизматига қарашли @fc_pakhtakor микроблоги ёзган.
"Турли сайтларда жамоа бош мураббийи ўзгариши ҳақида тарқалган хабарлар тўғри эмас. Биринчи йиғинда жамоани Мурод Исмоилов шуғуллантирди", - деб ёзади манба.
Қўшимча қилинишича, жамоа раҳбарияти режасидан бош мураббийни ўзгартириш ўрин олмаган.
Эслатиб ўтамиз, аввалроқ "Пахтакор"ни Шуҳрат Мақсудов бошқариши тўғрисида хабар қилинган эди.
