Шумахернинг матбуот котиби Сабина Кем Франциянинг Гренобль шаҳрида жойлашган шифохона олдида журналистлар билан учрашиб, шундай деди: «Ҳозирги вақтда унинг аҳволи барқарор». Reuters билан суҳбат вақтида матбуот котиби собиқ спортчининг саломатлиги истиқболи бўйича тахминлар қилишга ҳали эрталигини айтиб ўтган.
Аввалроқ, иккита операцияни бошдан ўтказган пойгачи сунъий кома ҳолатига ўтказилгани ҳақида хабар берилган эди. Шифокорлар дастлаб прогнозлар беришдан бош тортишган эди, шундан сўнг унинг аҳволида бир қатор ижобий ўзгаришлар кузатилаётгани, бироқ ҳаёти ҳали ҳам хавф остида эканлиги маълум қилинган эди.
44 ёшли Шумахер Франция Альп тоғларида чанғида учаётган вақтида боши билан тошга урилган. Германиялик спортчи дастлаб вертолётда Мутьедаги шифохонага олиб борилган, у ердан Греноблга жўнатилган.
Шумахер Формула-1даги фаолиятини 1991 йилда бошлаган бўлиб, орадан бир йил ўтиб илк чемпионлик совринини қўлга киритган. У, шунингдек, 1995, 2000, 2001, 2002, 2003 ва 2004 йилларда ҳам чемпионликни қўлга киритган.
