Москва метрополитенида Сочи-2014 Олимпиадаси рангларида безатилган вагонлар пайдо бўлди. Бундай вагонларнинг суратлари Sports.ru’да чоп этилган.
Москва метросида Сочида бўлиб ўтадиган 2014 йилги Қишки Олимпиада ўйинлари мавзусидаги метро вагонлари пайдо бўлиши ҳақида ноябрь ойида ерости транспорти раҳбари Иван Беседин маълум қилганди.
«Олимпия қўмитасининг турли тадбирлар бўйича ташаббусларини фаол қўллаб-қувватлаймиз. Бир қанча поездларни Олимпиада рамзлари билан безатамиз. Бу ё Олимпия ўйинларининг рекламаси бўлади, ё Олимпиаданинг хурсандчилик билан қабул қилинган ва жуда қизиқарли чиққан бренди бўлади», – дея Бесединнинг сўзларидан иқтибос келтирганди «РИА Новости».
Маълумот учун, бу Москва метросининг Сочи Олимпиадаси тарғиботи йўлидаги биринчи ҳаракати эмас. Аввалроқ метрополитен бекатларидан бири 30та ўтириб-туришга метро чиптасини тақдим этадиган қурилма ўрнатилган эди. Қурилма ўрнатилган куннинг ўзида 500 йўловчи шу йўл билан чипта олган.
