“Насаф” жамоасининг ОЧЛ-2013 плей офф босқичидаги рақиби Қатарнинг Доҳа шаҳри “Ал-Жайиш” жамоаси ҳақидаги янгиликлар ҳам мухлисларни қизиқтиришини ҳисобга олиб, бундан буён ушбу жамоага оид янгиликлардан сайтимиз орқали ёритиб боришни мақсад қилдик.

“Ал-Жайиш” жамоаси бугун Қатар Юлдузлар Лигаси биринчи даврасидан сўнг танаффусда ўзининг Уммонда бўлиб ўтган бир ҳафталик йиғинини якунига етказди.

Жамоа кеча, шунингдек, Уммоннинг “Ас-Сувайқ” жамоасига қарши назорат учрашувини ҳам ўтказди. Учрашув дуранг натижа билан 2:2 ҳисобида якун топди. “Ал-Жайиш” жамоасидан голларга франциялик легионер Брюс Кембо Экако ва бразилиялик легионер Вагнер Ренарлар муаллифлик қилган. Аввал 2:1 ҳисобида олдинда бораётган Резван Луческу (“Ал-Жайиш” жамоаси мураббийи) шогирдлари сўнгги дақиқаларида ўз дарвозаларидан тўп олиб чиқишга мажбур бўлишган ва натижада учрашув дуранг натижа билан якунланган.

Уммонда бўлиб ўтган йиғинда жамоанинг 25 футболчиси иштирок этди, булар: Фахд Юнус Аҳмад, Иванилдо Родригес, Абдулла Айеш, Андерсон Мартинс, Али Санад Ал-Нуаими, Рами Фаёз, Усам Ризқ, Абдураҳмон Абкар, Жозеф Кей, Муҳаммад Абдулла Mтнана, Сеул Ки Го, Вагнер Ренар, Мажид Муҳаммад, Мухамад Ал Саид Абдул Муталлиб, Калу Уче, Муҳаммад Мунтари, Муҳаммад Ал-Жабрий, Холид Абдул Рауф, Диаб Аннаби Kембо, Икуко Жерайс, Брюс Кембо Экако, Валид Абдул Раҳмон, Абдулла Ал-Салом, Абдулазиз Ал-Буайнайн, Жассим Шейнин.

Қатар Юлдузлар Лигаси иккинчи давра учрашувлари 10 январдан давом эттирилади. Шу куни “Ал-Жайиш” жамоаси 14-турни ўз майдонида “Ал-Арабий” жамоасига қарши ўтказади.

Ушбу хабар клуб расмий сайтидаги маълумотлар асосида тайёрланди.