Мадриднинг «Реал» клуби ҳужумчиси Криштиану Роналду Испания чемпионати доирасидаги «Сельта»га қарши ўйиндан кейин ўз фикрлари билан ўртоқлашди.
«Йилни ғалаба билан бошлаш жуда муҳим эди. Биз энг яхши ўйинимизни кўрсата олмадик, лекин нима бўлганда ҳам ғалаба қозондик. Биринчи бўлимда рақиб жуда яхши ҳимояланди. Гол урганимдан жуда хурсандман.
«Атлетико» ва «Барселона» пешқадамлик қилишда давом этишмоқда. Шундай экан ҳар ўйинда ғалаба қозонишда давом этишимиз керак.
Хесе ва Бэйл ўйинни ўзгартира олишди. Шундан кўришингиз мумкинки, «Реал»да ҳар бир ўрин учун жуда катта рақобат мавжуд. Бизнинг таркибга гап бўлиши мумкин эмас»,- дейди Роналду.