"МЮ" ҳимоячиси Рио Фердинанд яна Роналду билан бирга тўп суриш истаги бўлганини айтиб берди.
"Ёзда Роналдуга доимий равишда қўнғироқ қилиб турдим. Унинг рақами телефонимда энг кўп териладиган рақамлардан бири эди! Аммо ҳозир трансфер қилишнинг сира иложи йўқ.
Агар Роналдунинг жамоага қайтиши амалга ошганда бу ўтган ёзда бўлган бўларди. Энди эса унинг "Реал" билан янги шартномаси бор.
Криштианунинг ўзига келсак, мен уни 2013 йилнинг энг яхши футболчиси деб биламан. Унинг голларига бир қаранг! Бир йилда у бир ўзи ҳатто баъзи клублардан ҳам кўпроқ гол урди. Роналду яна жаҳоннинг энг яхши ўйинчиси бўлишни истаяпти. Ҳозиргача ҳам бунга шубҳа қиладиганлар, унда қандайдир бир жойда туриб қолишлик бор деётганлар топилади. Криштиану уларнинг фикри хато эканини исботлашни истаяпти", дейди Фердинанд.