Қатарнинг «Ал Саад» клуби ҳужумчиси Раул Гонсалес 2022 йилдаги жаҳон чемпионати ҳақида фикр билдирди.
«Қатарда футбол ўйнаш учун энг яхши вақт қиш деб ўйлайман. Бу менинг шахсий фикрим. Октябрдан мартгача бу ерда жуда яхши ҳаво бўлади. Май, июн ва июлда эса чидаб бўлмас даражада иссиқ.
Мен июлда майдонга тушганман ва шуни айтишим мумкинки, бунинг деярли иложи йўқ. Намлик жуда юқори. Бундай шароитда футбол ўйнаб бўлмайди. Менимча, ёзда футбол ўйнаш мухлислар ва футболчилар учун ноқулай бўларди.
Қатарнинг юқори ривожланган технологиялар ёрдамида стадионларда мўтадил ҳавони таъминлаб беришига шубҳа қилмайман, лекин майдон ташқарисидаги ҳавони ўзгартириб бўлмайди.
Шунинг учун Қатардаги жаҳон чемпионати қишда бўлгани яхшироқ. Шунда меҳмонлар шаҳарни томоша қилишлари ва байрамдан ростакамига лаззатланишлари мумкин»,- дейди футболчи.