Ўзбекистон ёшлар (U-22) термаси мусобақадаги илк ўйинини 12 январь, якшанба куни Хитойга қарши ўтказади. Бугун, 10 январь куни эса Ўзбекистон U-22 раҳбарияти ўйинолди тадбирлар – митинг ва матбуот анжуманида қатнашади.

Ўзбекистон U-22 терма жамоаси футболчиларини эса тушдан сўнг амалий ва назарий машғулотлар кутиб турибди. Ўзбекистон ТЖМ маркази директори Асқар Толибжонов ва директор ўринбосари Рустам Акрамовлар бугун Уммон пойтахти Масқатга учиб кетди.

Формалар
Ўзбекистон U-22 терма жамоаси Осиё чемпионати гуруҳ босқичида биринчи ўйинда оқ, кейинги икки ўйинда кўк рангли либосларда ҳаракат қилади. Хитой терма жамоаси эса эртага қизил рангда формаларда ҳаракат қилади.

1-тур. 12 январь, 18:00. Seeb Stadium. ЎЗБЕКИСТОН (оқ) – ХИТОЙ (қизил)
2-тур. 14 январь, 18:00. Seeb Stadium. ИРОҚ (оқ) – ЎЗБЕКИСТОН (кўк)
3-тур. 16 январь, 21:00. Seeb Stadium. САУДИЯ АРАБИСТОНИ (оқ) – ЎЗБЕКИСТОН (кўк)

Дисквалификациялар
Хитойга қарши ўйинда Ўзбекистон U-22нинг уч ўйинчиси дисквалификация сабаб майдонга туша олмайди. Давронбек Ҳошимов U-22 саралашининг Иорданияга (1:3) қарши сўнгги ўйинида қизил карточка олган. Темурхўжа Абдухолиқов қитъа чемпионати саралашининг Яман (1:1) ва Иорданияга (1:3) қарши ўйинларида сариқ карточкалар олган. Тоҳиржон Шамситдинов эса ёшлар (U-20) ўртасдаги ЖЧ-2013нинг Францияга (0:4) қарши чорак финал ўйинида қизил карточка олган.

Хитой терма жамоаси сафида дисквалификация сабаб Ўзбекистонга қарши ўйинни ўтказиб юборадиган ўйинчилар йўқ.