"Ливерпуль" ҳужумчиси Луис Суарес "Сток Сити" устидан қозонилган ғалабадан сўнг (5:3) жамоавий муваффақиятлар шахсий ютуқлардан устун туришини таъкидлаб ўтди.
"Анча қийин ўйинни ўтказдик. Бизга ғалаба зарур эди. Агар ғалаба қозонсак, бу келгусида ҳам бизга катта ишонч бағишлашини билардик.
Старрижнинг сафимизга қайтганидан хурсандман, чунки унинг жамоамизга фойдаси тегади.
Шуни айтишни истардимки, менинг голларимдан кўра "Ливерпуль"нинг жадвалда нечанчи поғонада кетаётгани кўпроқ муҳим", дейди Суарес.