"Манчестер Сити" ҳужумчиси Серхио Агуэро бугун бўлиб ўтадиган "Олтин тўп"ни топшириш маросимидан олдин "Барселона" ҳужумчиси Леонел Мессини кўкларга кўтарди.
"Месси - ўзга сайёрадан келган одам, у ҳар доим жаҳоннинг энг яхши ўйинчиси бўлаверади. Фикримча, айнан у "Олтин тўп"ни олиши керак.
Криштиану Роналду "Реал"да жуда яхши ўйнайди, аммо Месси... у йилига атиги битта гол урса ҳам дунёнинг энг зўри бўлиб қолаверади!", дейди Агуэро.
Эслатиб ўтамиз, "Олтин тўп-2013" соврини соҳиби бугун Тошкент вақти билан соат 23:00дан кейин билиб оламиз.