«Милан» дарвозасига тўртта гол урган «Сассуола» ҳужумчиси Доменико Беррарди ўйин ҳақида фикр билдирди.
«Бу кечани ҳеч қачон унутмайман. Тўртта гол урганимдан хурсандман. Бунинг устига жамоа жуда муҳим ғалабани қўлга киритди.
Голларимни жамоадшимиз Франческо Ачербига (Ачерби саратон касалига учраган ва айни вақтда даволанмоқда), оиламга, севган қизимга ва мураббийимизга бағишлайман.
Ўтган ҳафта мураббийимизнинг жамоадан кетиши борасида кўп гаплар бўлди. У қийин дамларни бошдан кечирди. Бу ўйин унинг биз билан қолиши учун сабаб бўлишини жуда хоҳлардим. Ҳаммамиз мураббийнинг қолишини хоҳлаймиз»,- дейди футболчи.
19 ёшли италиялик футболчи жорий мавсумда Италия чемпионати доирасидаги 14 ўйинда майдонга тушган ва 11 голга муаллифлик қилган.