Сербия терма жамоасининг собиқ футболчиси Матея Кежман Неманя Видичнинг «МЮ»да қолмоқчи эканини таъкидлади.
«Видич жуда яхши футболчи ва менинг дўстим. Мен у билан икки ой олдин гаплашгандим ва «МЮ» билан шартномани узайтирмоқчи эканини айтганди.
Уларнинг ўрнида бўлганимда Видични жамоада олиб қолган бўлардим. Унда етакчилик қобилияти бор. У ёш футболчиларни тарбиялаш учун ҳам «МЮ»га керак»,- дейди Кежман.
Видичнинг шартномаси 2014 йилда ўз ниҳоясига етади. Унга айни вақтда «Монако» ва «Ювентус» қизиқиш билдирмоқда.