«Зенит» ярим ҳимоячиси Аксел Витцел чемпионлар лигаси 1/8 финали доирасидаги «Боруссия Д»га қарши ўйинларга жиддий тайёргарлик кўриш керак эканини таъкидлади.

«Менимча, тайёргарлик яхши давом этмоқда. Лекин чемпионлар лигаси ўйинлари олдидан расмий ўйинларда майдонга тушмаслик яхши эмас. Қатарда яна тўртта ўртоқлик ўйинида майдонга тушамиз.

Жаҳон чемпионатига ҳали анча бор ва бу ҳақда ўйлаганимча йўқ. «Зенит» билан олдинда муҳим ўйинларимиз бор. Шуни айтишим мумкинки, Россияга қарши ўйинни сабрсизлик билан кутяпман. Бу мен учун муҳим ўйин бўлади.

Мен рус футболчиларининг сирлари ҳақида терма жамоадаги мураббийларга ҳеч нарса демайман. Ҳаммаси ҳалол бўлиши керак»,- дейди футболчи.