«Челси» ярим ҳимоячиси Эден Азар ёзда «ПСЖ»га ўтиши ҳақидаги хабарларни рад қилди.
«Охирги тўрт йилдаги трансфер ойналари вақтида мени жуда кўп клубларга ўтказиб қўйишди. «Лилл»да ўйнаган вақтимда ҳам шунақа эди. «ПСЖ» бу каби миш-мишлар учун манба бўлиб қолмоқда. Чунки уларда пул кўп.
Лекин мен «Челси» футболчисиман. Бу ерда ҳар доим майдонга тушаман ва ўзимни жуда яхши ҳис қилмоқдаман. Лондонни ривожланишим учун энг яхши жой деб биламан»,- дейди Азар.
Хабарингиз бор, аввалроқ «Челси» бош мураббийи Жозе Моуриньо ҳам Азарнинг жамоадан кетиши ҳақидаги хабарларни рад қилган эди.