«Барселона» ҳужумчиси Лионель Мессининг отаси ва агенти Хорхе Месси ўғлининг бошқа жамоага ўтиши борасидаги хабарларни рад қилди.
«Леонинг бошқа жамоаларга ўтиши борасидаги хабарларга кўзим тушди, лекин билмайман улар нимага асосланиб бундай дейишмоқда. У «Барселона» футболчиси ва шартномаси 2018 йилга қадар мўлжалланган.
Келаси йил Леонинг «Барселона»да ўйнашига кафолат бера оласизми? Билмайман. Ҳамма нарса бўлиши мумкин. Мен эртага нима бўлишини ҳам билмайман. Буни фақат Худо билади»,- дейди Хорхе Месси.













