Россия футбол иттифоқи президенти Николай Толстих миллий терма жамоа бош мураббийи Фабио Капелло билан имзоланган янги, 2018 йилга қадар мўлжалланган шартномага мувофиқ италиялик мутахассиснинг ваколатларига нималар кириши ҳақида маълумот берди.
"Янги келишувимизга кўра, Капелло барча терма жамоалар бошқарувини ўз қўлига олиш, жумладан услубий тайёргарлик ва ўйин фалсафасиги белгилаш имкониятига эга. Шундан келиб чиққан ҳолда у ўсмирлар ва ёшлар терма жамоалари мураббийи ҳисобланиши мумкин.
Ҳозирги мураббийларга келсак, улар билан бу хусусда ҳали суҳбатлашиб оламиз ва сўзсиз барчаси яхши бўлишига ҳаракат қиламиз", - деди Толстих.













