Ўзбекистонлик қанот ҳимоячи Санжар Турсунов ўз фаолиятини Украинанинг "Ворскла" жамоасида давом эттирадиган бўлди. 27 ёшли футболчининг полтовалаклар сафига ўтиш масаласи ҳал бўлди. Фақат футболчининг халқаро трансфер қоғози келишини кутиш қолди, холос. Ушбу ҳужжат келганидан кейин шартнома расман имзоланади.
Эндиликда "Газовик"нинг собиқ футболчисига айланган Санжар Турсунов "Ворскла"нинг Сиде шаҳридаги йиғинида иштирок этмоқда. Ярим ҳимоячи украиналиклар учун эркин агент сифатида ўтмоқда. Турсуновнинг "Газовик" билан тузган шартномаси кўра, қишки трансфер пайтида жамоани эркин агент сифатида тарк этиши мумкинлиги ҳақидаги банд бўлган.