Хабар берганимиздек, шу кунларда Қаршида футзал бўйича Ўзбекистон чемпионатининг 4-тур ўйинлари қизғин давом этмоқда. Мамлакатимизнинг амалдаги чемпиони ва жорий йилги мавсумда ҳам пешқадамлик қилишаётган «Локомотив» футзалчилари мусобақанинг иккинчи кунида ҳам ўз мухлисларини қувонтирди.
Ахад Юсупов шогирдлари бу турда бир вақтлар Ўзбекистон футзалида гегемонлик қилган «Строител-Зарафшон»ни тор-мор этишди. Якуний натижа 23-1, изоҳга хожат бўлмаса керак. Шуни таъкидлаш керак, мазкур ўйин «Локомотив» аъзоси Андрей Шлёманинг ҳақиқий бенефисига айланиб кетди. У зарафшонликлар дарвозасини 13 (!) марта ишғол қилди.
Турнинг марказий ўйини Тошкентнинг икки вакили «Бунёдкор» ва «Ардус» жамоалари ўртасида бўлиб ўтди. Ушбу баҳсда «Ардус»нинг қўли баланд келди – 2:1. Шу тариқа 4-турнинг иккинчи кунги ўйинларидан кейин турнир жадвалининг юқори қисмида вазият ўзгармади. Ҳамон «Локомотив» пешқадамлик қилаётган бўлса, Самарқанднинг «Нафис» жамоасини 3-1 ҳисобида доғда қолдирган «Максам-Чирчик» темирйўлчилардан 2 очко ортда қолган ҳолда 2-ўринни эгаллаб турибди. Қуйида 4-турнинг иккинчи кунги ўйинларининг тўлиқ натижаларини эътиборингизга ҳавола қиламиз:
Футзал. Ўзбекистон чемпионати. 4-тур
4 феврал кунги ўйинлар
«Локомотив» – «Строител-Зарафшон» – 23:1
Голлар: А.Шлема (13 та), К.Свиридов, Ф.Мирахмедов (2 та), А.Юнусов, С.Куролов (2 та), Д.Чориев, Ф.Самегов, О.Ҳолмухамедов (2 та)
«Дўстлик AIN» – «Пахтакор» – 5:3
«Максам-Чирчиқ» – «Нафис» – 3:1
«Турон-С» – «Когон» – 1:1
«Бунёдкор» – «Ардус» – 1:2
збекистон чемпионатининг 4-тур ўйинлари 7 феврал куни якунланади.
