4 февраль куни Туркиядаги ўқув-машғулот йиғинлари доирасидан олган “Терек” жамоасига қарши учрашув бўлиб ўтди.

“Пахтакор” учун Грозный шаҳри жамоаси нотаниш рақиб эмас. 2010 йили ҳам Туркиядаги йиғинлар доирасида тошкентликлар мазкур рақиб билан куч синашганлар ва 2:2 ҳисобида жанговор дуранг қайд этган эдилар. Бу ўйин ҳам анча шидатли ва кескин руҳда давом этганлигини қайд этиш лозим.

Биринчи булимнинг 11 дақиқасидаёқ жамоамиз вакиллари тезкор гол киритишга муаффақ бўлдилар. Стандарт вазиятдан Станислав Андреев унумли фойдаланди. 23 дақиқада эса Жамшид Искандаров кичик жарохат олиб майдонни тарк этди уни ўрнини Жалолиддин Машарипов эгаллади. 25 дақиқада, Рибкин дарвозаси олдида хафли вазият содир этилди, лекин рақиб футболчиси зарбаси дарвоза тўсини олдидан ўтиб кетди. Биринчи булим кескин курашлар билан якунланди.

Иккинчи бўлим бошида рақиб футболчилари ҳисобни тенглаштириш уддасидан чиқдилар. Гол муаллифи Георги Грозав. Мазкур голдан бироз ўтиб “Пахтакор” футболчилари ўз жарима майдонлари ичида рақиб футболчисига нисбатан қўпол ўйнадилар ва хакам пенальти белгилади. Жереми Бакила нуқтадан адашмади. 1:2. Учрашув сўнгида вакилларимиз бир қатор хафли вазиятлар яратдилар, лекин барча уринишлар бесамар кетди. Ўйин 1:2 ҳисобида “Терек” ғалабаси билан якунланди.

"Пахтакор" Туркия йиғини доирасидаги сўнги учрашувни “Шинник” жамоасига қарши ўтказади.

"Пахтакор" - "Терек" 1:2
Голлар: С.Андреев 11 - Г.Грозав 53, Ж.Бакила 62 пенальти.  
"Пахтакор": Никита Рибкин, Егор Кримец, Кахи Махарадзе, Шерзод Каримов (Абдулазиз Юсупов, 77), Жамшид Искандаров (Жалолиддин Машарипов, 23), Игорь Сергеев (Сергей Рекун, 90), Александр Мерзляков, Станислав Андреев (Анвар Ражабов, 72), Владимир Козак, Артём Филипосян, Алишер Азизов (Тохир Шамсиддинов, 79)