Матбуот анжуманининг иккинчи қисмида «Локомотив» мураббийи Ҳаким Фузайлов ҳамда Ислом Тўхтахўжаев қатнашишди.

— Таркибимизда янги футболчилар келиб қўшилди. Барчаси тажрибали футболчилар ва умид қиламанки, янги футболчилар бизга тез қўшилиб кетишади. Ҳаво масаласида гапирадиган бўлсам, биз шундай бўлишини билганмиз. Шунинг учун биз шунга яраша тайёрланганмиз.

– Мавсум чемпионлар лигаси билан бошланмоқда. Бу ҳақда нима дейсиз?
– Албатта, бу йил ҳам ўз чемпионатимиздан олдин халқаро ўйинда майдонга тушамиз. Биз рақибни жуда яхши ўргандик. Ғалаба қозонишимизга ишонаман.

– «Локомотив» ўтган мавсумда ҳам чемпионлар лигасининг саралашида қатнашган эди. Ўша ўйинда қилган хатоларингизни ўргандингизми? Эртага ўша хатолар такрорланмайди?
– Ўтган йил жамоамиз халқаро майдондаги биринчи ўйинини ўтказган эди. Қайсидир маънода биз ўша ўйинда ўзимизни синаб кўрганмз. Эртага эса биз ўзимизни синаш учун эмас, ғалаба қозониш учун майдонга тушамиз.

– «Ал-Қувайт» Ўзбекистонга уч марта келган ва мағлубиятга учраб қайтган. Эртага ҳам шундай бўладими? (Савол Исломга).
– 1,5 ойдан буён шунинг учун ҳаракат қиляпмиз.

– Ўтган мавсумда сиз жамоа ҳужумчилари яхши ўйнай олмаганда ўз голларингиз билан «Локо»га муҳим очколарни олиб келгансиз. Эртага ҳам сиздан гол кутсак бўладими?

– Менимча, эртага қаерда ўйнашимни мураббий билади.