Мавсумнинг биринчи ярмини ўта омадсиз ўтказган Махачқальанинг "Анжи" клуби қишки танаффусда машғулотларга зўр бермоқда. Жумладан, жамоанинг навбатдаги йиғини Испанияда бошланди.

Йиғин доирасидаги илк ўртоқлик учрашувини Пловдивнинг "Локомотив" клубига қарши ўтказган "Анжи" 3:1 ҳисобида ғалаба қозонди. Эътиборли томони шундаки, терма жамоамиз аъзоси Одил Аҳмедов ўйиннинг 77-дақиқасидагача 0:1 ҳисобида ютқазаётган жамоасини пенальтидан гол уриб ҳисобда олдинга олиб чиқди ва учрашувда тўлиқ 90 дақиқа давомида ҳаракат қилган икки футболчидан бири бўлди.

"Анжи" расмий сайти келтирган қайдномада кейинги икки дақиқада ҳам махачқальаликлар рақиб дарвозасини ишғол қилгани ёзилган. Яъни 77-дақиқада Аҳмедов ҳисобни тенглаштиргач, 78 ва 79-дақиқалар Сердеров дубл қайд этган. Бу ҳам етмагандек, ҳакам ушбу голлар орасида Сердеровнинг яна бир голини инобатга олмаган.

«Анжи» (Махачқалъа) — «Локомотив» (Пловдив, Болгария) — 3:1 (0:1)
Голлар: Аҳмедов, 77. Сердеров, 78, 79 - Ферраресо, 28.
«Анжи»: Помазан (Кержаков, 46), Ангбва (Быстров, 52), Гаджибеков (Агаларов, 70), Епуряну, Григалава (Эвертон, 72), Аҳмедов, Ещенко (Тагирбеков, 68), Максимов (Билялетдинов, 67), Алиев (Бурмистров, 57), Смолов (Сердеров, 46), Бухаров (Абдулавов, 65).