2014 йилги ПФЛ Кубоги гуруҳ босқичи 1-тур учрашувлари якунига етди. 11 февраль куни 16 жамоа иштирок этаётган мусобақанинг «С» ва «D» гуруҳларида 1-тур учрашувлари бўлиб ўтди.

Дастлабки тасдиқланган тақвим бўйича ЎФФ сунъий қопламали майдонида ўтказилиши керак бўлган «С» гуруҳи учрашувлари, об-ҳаво шароити ноқулайлиги сабаб, «Бунёдкор» академияси ва «Обод» стадионларига кўчирилган эди.

«Бунёдкор» академияси майдонида ўтказилган «Бунёдкор» – «Чуст-Пахтакор» учрашувида ёш «бунёдкорчилар» рақибларига ҳеч қандай имконият қолдиришмади – Темур Аюпов (дубль), Сардорбек Азимов (дубль) ва Владислав Нуриев томонидан киритилган голлар эвазига «Бунёдкор» ҳозирча мусобақадаги энг йирик ғалабага эришди – 5:0.

«Обод» стадионида бўлиб ўтган «Олмалиқ» – «Обод» учрашувида эса кутилмаган натижа қайд этилди. Олий Лига вакили – «Олмалиқ»ни амалда ўз майдонида қабул қилган Биринчи Лиганинг янги вакили – «Обод» учрашувда 2:1 ҳисобида ғалаба қозонди ва «С» гуруҳи пешқадамларидан бирига айланиб олди.

Ўйинлари Республика спорт маҳорати футбол мактабининг «Чиғатой» майдонида ўтказилаётган «D» гуруҳи доирасидаги 1-тур учрашувларида ғолиблар аниқланмади. «Навбаҳор» – «Шўртан» учрашувида ҳисоб очилмаган бўлса, «Локомотив» – «Пахтакор-2» учрашувида 1:1 ҳисобидаги дуранг натижа қайд этилди.

12 февраль куни мусобақа 2-тур учрашувлари старт олади. Мусобақа ўйинлари бошланиш вақти ва жойида ўзгаришлар кутилаётгани йўқ.

«С» гуруҳи, 1-тур учрашувлари
11 февраль, сешанба
«Бунёдкор» - «Чуст-Пахтакор» - 5:0. 128 томошабин.
Ҳакамлар: Д. Жалимов, А. Алимов, Х. Отамуратов, И. Гармашов.
Назоратчи: А. Тамбовцев.
Голлар: Т. Аюпов (11, 17, пенальти), С. Азимов (28, 39), В. Нуриев (77).
Огоҳлантиришлар: Ш. Абдураҳмонов (85) – Х. Юсупов (10).

«Олмалиқ» - «Обод» - 1:2. 61 томошабин.
Ҳакамлар: А. Рубаков, А. Калинин, Ф. Норсафаров, А. Эргашев.
Назоратчи: Д. Роман.
Голлар: Д. Туропов (35) – Ш. Жамилов (6-пенальти), З. Мирсаидов (89).
85-дақиқада Д. Ҳасанов («Обод») пенальтидан фойдалан олмади.
Огоҳлантиришлар: Т. Кагиров (5), С. Жўраев (47), Д. Туропов (63) – К. Тожибоев (30), У. Матмусаев (45), Г. Умиров (49).
Четлатишлар: Т. Кагиров (иккинчи огоҳлантириш, 87) – Ф. Мирюнусов (51).

«D» гуруҳи, 1-тур учрашувлари
11 февраль, сешанба
«Навбаҳор» - «Шўртан» - 0:0. 137 томошабин.
Ҳакамлар: А. Мўминов, Д. Сарсенов, Б. Канназаров, Н. Қосимов
Назоратчи: Ғ. Каримов.
Огоҳлантиришлар: О. Валижонов (68), Р. Ҳасанов (71), Б. Тўрабоев (78) – Ж. Отақулов (3), А. Бобоев (47).
Четлатиш: Ж. Отақулов (иккинчи огоҳлантириш, 81).

«Локомотив» - «Пахтакор-2» - 1:1. 167 томошабин.
Ҳакамлар: Элёр Турсунов, Элдор Турсунов, Х. Зулунов, И. Иброҳимов.
Назоратчи: О. Рубаков.
Голлар: С. Аҳмадалиев (83) – М. Нортурдиев (75).
Огоҳлантиришлар: И. Раҳимов (24), Н. Норматов (51), К. Рўзиев (51), А. Пўлатов (60), С. Прохоров (70), И. Алибоев (78) – О. Эркинов (38), Ф. Тўхтаназаров (53), Н. Юлдашев (60), Д. Муҳаммаджонов (76), И. Сиддиқжонов (90).
Четлатиш: Н. Норматов (иккинчи огоҳлантириш, 60).