Тошкент йиғинида ўйин амалиётини шакллантиришни ўз олдига мақсад қилган «Қизилқум» жамоаси навбатдаги ўртоқлик учрашувини ўтказди. Навоийликларнинг навбатдаги рақиби Фарғонанинг «Нефтчи» футболчилари бўлди.
 
Учрашув пойтахтимиздаги «Оқтепа» стадионида бўлиб ўтди. Ўйинни ФИФА рефериси тошкентлик Бахтиёр Намозов бошқариб борди.
 
Назорат баҳсида фарғоналиклар икки таркибда тўп суришган бўлса, «Қизилқум» жамоаси бош мураббий таркибда катта ўзгаришларни амалга оширмади. Иложи борича, битта таркибга майдонда кўпроқ ҳаракат қилиши учун имконият берди.
 
“Қизилқум” - “Нефтчи” – 1:2
Голлар: Элдор Бойматов, Владимир Шишелов — Зоҳид Абдуллаев
“Қизилқум”: Эркин Жабборов, Акмал Холиқов, Асқар Муҳиддинов, Миржалол Қурбонов, Акмал Рустамов, Ғайрат Жумаев, Шерали Жўраев, Элдор Бойматов, Самандар Шодмонов, Руслан Вагапов, Владимир Шишелов.
Захирадан майдонга тушганлар: Алишер Холиқов, Сарваржон Холматов.
“Нефтчи” (биринчи бўлим): Сардор Қобулжонов, Александр Клецков, Сардор Раҳмонов, Умид Қодиров, Вячеслав Пономарев, Игорь Петкович, Абдуллоҳ Олимов, Маъруф Муродов, Жаҳонгир Жиямуродов, Зоҳид Абдуллаев, Отабек Исроилов.
Иккинчи бўлим: Ғайрат Ҳасанов, Максимилян Фомин, Иқбол Бобохонов, Дилёр Эрматов, Сайдулло Раҳматов, Отабек Зокиров, Жаҳонгир Меҳмонов, Жавоҳир Расулов, Носир Отақўзиев, Азиз Алижонов, Абдуллоҳ Олимов.
 
Ҳужумкор ва кескин курашларга бой ўтган ўйинда навоийликлардан Элдор Бойматов ҳамда Владимир Шишелов бир-биридан чиройли голларга муаллифлик қилди. Фарғоналиклар рақибларининг икки тўпига Зоҳид Абдуллаевнинг ягона голи билан жавоб қайтаришди — 2:1.
 
Режага кўра, кончилар навбатдаги ўртоқлик учрашувини 15 февраль куни Муборакнинг «Машъал» жамоаси билан ўтказади. Учрашув пойтахтимиздаги «Обод» стадионида соат 14.45 да бошланади.